Velaquí a nosa publicación anual en formato dixital, con traballos deste curso e moitos dedicados a este proxecto. Atoparédela tamén en papel na nosa Biblioteca e moi pronto na Biblioteca Municipal.
Parabéns pola participación total na revista e polo voso traballo!!
Grazas ao EDLG pola tarefa de maquetación e impresión.
Ao longo deste último trimestre o alumnado de 2º estivo afondando na investigación dos prexuízos na nosa saúde que pode ocasionar o lixo, así de como podemos contribuír a súa eliminación.
Cando falamos de saúde pensamos en factores que poden axudar a súa mellora: a alimentación, o sono, o deporte, os médicos... esquecéndonos doutros, que de algunha maneira a condicionan, como é o lixo.
Investigaron en distintos libros e recolleron información sobre como se clasifica o lixo nas súas casas e as facilidades ou dificultades para usar o colector correspondente. Con todos os datos confeccionaron unha gráfica.
Despois de moito pensar e darse conta dos problemas que hai na nosa contorna, decidiron confeccionar unha lista de 10 Consellos:
Durante este 3º trimestre, na clase de 1º traballamos a saúde da nosa contorna.
Grazas ao noso sentido do oído podemos percibir cantidades de información a todas horas. Coñecemos como funciona? Sabemos dos seus coidados?
Unha nova investigación do alumnado de 6º achéganos a este fenómeno físico tan presente nas nosas vidas, aos son agradables ou aos sons molestos...e tamén á problemática da xordeira e como a ciencia axuda ás persoas que a padecen. Podedes ler todo neste expositor:
Unha nova investigación do alumnado de 3º achéganos aos beneficios da actividade física, así como tamén ás maneiras de realizala e ao mellor coñecemento do noso corpo.
Comprobando e contando as nosas pulsacións
En 6º indagamos o que podemos facer para que a nosa convivencia sexa saudable, pois xa sabemos que o benestar social é un dos elementos que forman parte dunha boa saúde. Para mostrárvolo elaboramos unha revista en formato cómic, onde poñemos exemplos desas habilidades que nos van axudar.
Deixaremos exemplares na Biblioteca e tamén nas Bibliotecas de aula. Aquí o tedes en formato dixital:
Un paso máis nas investigacións sobre a alimentación do alumnado de 4º; achégannos un resumo das principais enfermidades e da súa prevención.
O alumnado de 4º ofrécenos unha recompilación de mulleres destacables na Medicina e outras Ciencias da Saúde.
Despois de redactar cadaquén a súa información realizaron un reto de busca.
Aquí podemos velas todas premendo nas ligazóns:
Queredes coñecer da man do equipo de investigadores e investigadoras de 5º as características dos microorganismos?
Pois dádelle ao play e veredes!!
Sobre quen son e que fan os científicos e as científicas, versou a investigación da aula de 2º. Tamén estiveron indagando na vida dalgunha destas persoas.
Un paseo pola Historia da man do alumnado de 6º daranos unha visión de situacións graves de epidemias que afectaron ao mundo, e faranos ver como a investigación científica foi mellorando as nosas vidas. Agardamos que siga sendo así.
Traballo do alumnado de 6º no Día da Constitución: lectura, interpretación, ilustración e escritura de opinións, nun documento compartido que podedes ler a continuación:
Así nos explican os nenos e nenas de 1º o que investigaron sobre as vacinas. Mirade:
Isto foi o que aprenderon na clase de 4º de Primaria, agora cóntannos a todos como podemos axudar a que o noso corpo se defenda, se faga forte e evitemos enfermidades. Atención:
As científicas e científicos utilizan distintos instrumentos no seu traballo e o microscopio é un dos máis importantes.
En 2º quixemos descubrir como utilizalo e disfrutamos moito.
