Rematamos o curso compartindo os nosos traballos nunha xornada en que nos acompañaron as familias visitando a exposición, escoitando o noso Maratón Radiofónico e dando un "like" á saúde.
MOITAS GRAZAS!
21/06/21
REVISTA AGROMAR
Velaquí a nosa publicación anual en formato dixital, con traballos deste curso e moitos dedicados a este proxecto. Atoparédela tamén en papel na nosa Biblioteca e moi pronto na Biblioteca Municipal.
Parabéns pola participación total na revista e polo voso traballo!!
Grazas ao EDLG pola tarefa de maquetación e impresión.
20/06/21
COS CINCO SENTIDOS
Que mellor manera de traballar os sentidos que experimentando con eles. Así o fixeron os nenos e nenas de 3 anos.
REDUCE O LIXO NA TÚA VIDA
Ao longo deste último trimestre o alumnado de 2º estivo afondando na investigación dos prexuízos na nosa saúde que pode ocasionar o lixo, así de como podemos contribuír a súa eliminación.
Cando falamos de saúde pensamos en factores que poden axudar a súa mellora: a alimentación, o sono, o deporte, os médicos... esquecéndonos doutros, que de algunha maneira a condicionan, como é o lixo.
Investigaron en distintos libros e recolleron información sobre como se clasifica o lixo nas súas casas e as facilidades ou dificultades para usar o colector correspondente. Con todos os datos confeccionaron unha gráfica.
Despois de moito pensar e darse conta dos problemas que hai na nosa contorna, decidiron confeccionar unha lista de 10 Consellos:
Descubriron e aprenderon o significado do R de reciclar, neste caso co papel de xornal.
Durante o proceso déronse conta de que non se estaba usando o composteiro para os xardíns da escola, polo que decidiron mandarlle unha carta a xardineira e incluso explicarlle como podería facer, de ser do seu agrado.
Decatáronse de que nos patios non podían clasificar o lixo durante o recreo por non haber os colectores necesarios. Como xa coñecían o uso da correspondencia, desta vez, a misiva iría destinada á directora.
Desta vez a investigación foi completa. Na clase de inglés, construiron un Recycling Game, co que poderíamos comprobar o que aprendimos sobre a clasificación do lixo.
investigación, preparación e
preocupación polo cuidado da
contorna fixéronse merecedores
do título de Policía do Lixo, polo que recibiron as chapas que eles mesmos elaboraron.
PAN CASEIRO PARA CUIDAR A SAÚDE
Como xa vimos durante a nosa investigación, a alimentación é moi importante para estar saudábel. Nós aprendimos como elaborar "Pan caseiro" para estar san.
16/06/21
PÓMONOS EN MARCHA COA MILLA DIARIA
Neste curso o cole inscribiuse na modalidade Milla diaria, dentro do programa Proxectos de vida activa e deportiva - PVAD, que pertence ao Plan Proxecta.
Estábamos desexando comezar con esta nova rutina, co obxectivo de incrementar a actividade física dentro do horario lectivo realizando unha milla diaria.
Despois de barallar diferentes opcións de percorridos, demos por fin coa ruta que máis nos conviña, e as condicións meteorolóxicas axudáronnos a que dita ruta fose practicable. Así pois, puxémonos en marcha, disfrutando de que a contorna do noso centro ofrece unha posibilidade marabillosa de camiñar pola natureza.
Despois de barallar diferentes opcións de percorridos, demos por fin coa ruta que máis nos conviña, e as condicións meteorolóxicas axudáronnos a que dita ruta fose practicable. Así pois, puxémonos en marcha, disfrutando de que a contorna do noso centro ofrece unha posibilidade marabillosa de camiñar pola natureza.
O resultado desta nova rutina diaria está sendo moi positivo. Alumnado e profesorado disfrutamos moito activando o noso corpo durante esta andaina de vinte minutos, e volvemos ás nosas aulas coas pilas recargadas para continuar coas aprendizaxes de xeito moi proveitoso.
Estamos felices coa incorporación da Milla diaria e seguiremos avanzando con ela!
10/06/21
A SAÚDE DA NOSA CONTORNA
Durante este 3º trimestre, na clase de 1º traballamos a saúde da nosa contorna.
O noso interese espertou cando os alumnos e alumnas do CIFP A Granxa de Ponteareas contáronnos os problemas que tiña unha paxariña chamada Ferreiriña que vivía nas árbores a carón do Río Tea.
Comezamos a investigar sobre as árbores autóctonas, as especies invasoras como as belutinas e sobre a contaminación do aire e a auga.
Logo, decidimos facer unha segunda parte para ese conto tan chulo e o titulamos "Misión: río Tea" e o preparamos para contalo no kamishibai da nosa biblioteca.
Kamishibai co conto "a paxariña Ferreiriña"
Exposición sobre o Río Tea
Preparando a segunda parte do conto en equipos cooperativos.
Láminas cos debuxos e os textos do noso conto, preparadas para poñer no kamishibai
Para quen non o coñeza, Kamishibai significa "teatro de papel" en xaponés. É unha forma de contar contos moi popular en Xapón que está formado por un conxunto de láminas que teñen un debuxo nunha cara e un texto noutra cara. Estas láminas colócanse nun teatro de madeira.
A IMPORTANCIA DAS NOSAS EMOCIÓNS
O alumnado de 5º de educación primaria describe como son as nosas emocións, e dannos pistas para recoñecelas e manexalas.
04/06/21
MEDICIÓNS DAFIS (Datos Actividade Física Saudable)
Unha das novidades que incorporamos na procura de avanzar como comunidade saudable, foi a de inscribirnos na modalidade DAFIS, dentro do programa Proxectos de vida activa e deportiva - PVAD, pertencente ao Plan Proxecta.
Os obxectivos do DAFIS son:
- Valorar a condición física para a saúde do alumnado a través dos test e probas propostos.
- Traballar, en base os resultados obtidos, na mellora da condición física saudable, tanto de forma individual, como global (clase, centro educativo), do alumnado.
- Traballar de forma transversal os contidos de actividade física diaria e hábitos saudables (alimentación, hixiene, sedentarismo asociado a pantallas,...).
Decidimos comezar neste curso co alumnado maior do noso centro: 4º, 5º e 6º de primaria. Fixemos unha medición das probas do programa no mes de maio, e a experiencia foi moi positiva, comprendendo tras ela o verdadeiro potencial para tomar conciencia sobre o noso estado físico que nos ofrece o DAFIS.
Continuaremos nos vindeiros cursos procurando pasar as probas un maior número de veces e tamén incluiremos a máis parte do noso alumnado. Deste xeito esperamos ser máis conscientes do nosa condición física, da súa evolución no transcurso do tempo e por suposto avanzar na súa mellora.
De seguro será así xa que en Leirado somos persoas que imos....A TOPE COA SAÚDE!!
02/06/21
O SON QUE NOS RODEA POR TODAS PARTES
Grazas ao noso sentido do oído podemos percibir cantidades de información a todas horas. Coñecemos como funciona? Sabemos dos seus coidados?
Unha nova investigación do alumnado de 6º achéganos a este fenómeno físico tan presente nas nosas vidas, aos son agradables ou aos sons molestos...e tamén á problemática da xordeira e como a ciencia axuda ás persoas que a padecen. Podedes ler todo neste expositor:
Se queredes medir a intensidade dos sons diarios podedes facelo cunha sinxela aplicación, saberedes cal é a intensidade máis habitual, cal é molesta ou perxudicial, etc.
Subscribirse a:
Publicacións (Atom)